طريقة عمل الكبدة بالصور

[ندعوك للتسجيل في المنتدى أو التعريف بنفسك لمعاينة هذه الصورة]


وصفة النهاردة
كبدة اسكندراني
ولكن متبهرة ومتسبكه وطعمها يفتح النفس
وكمان عملت معاها مكرونه بطعم جديد ومميز
نبدأ بالكبدة
المقادير
كيلو كبدة
بصله كبيرة مقطعه مكعبات صغيرة
حبه فلفل اخضر مقطع مكعبات
واللي بيحب الحار يحط فلفل حار
3 حبه طماطم مقطعه
3 فص ثوم مفروم
معلقه كبيرة دبس الرمان بيدي طعم ولون للصوص حلو جداً
مكعب ماجي
ملح + فلفل اسود + كمون + كسبرة ناشفه + رشه من البهارات السبعة
الطريقه
نقطع الكبدة شرايح ونغسلها ونحطها في مصفاه حتي تتخلص من كل الماء الزائد

[ندعوك للتسجيل في المنتدى أو التعريف بنفسك لمعاينة هذه الصورة]

نيجي بقي للسر اللي يخلي الكبدة مستويه
وفي نفس الوقت طريه ولذيذة
في إناء ع النار نضع شوية زيت ولو حبيتي تضيفي للزيت قطعه صغيرة سمن بتكون احلي
واخليه لما يسخن الزيت وأضيف له الكبدة وأخلي النار عاليه
عشان اعملها صدمه اخلي المسام اللي برة تتقفل
وفي نفس الوقت محتفظه بالعصارة اللي في داخلها
وأول ما لونها يتغير أضيف البصل واحرك عشان عايزة كل الخضروات اللي ها اضيفها تتحمص مع الكبدة
وبعد البصل أضيف الثوم ونحرك
ثم البهارات ونحرك عايزة الكبدة تأخذ طعم البهارات
ثم الفلفل الاخضر ونقلب
ثم الطماطم ومعلقة دبس رمان
والصراحه أنا حطيت شطه مجروشه مش كتيير
ولكن الكبدة لما تكون فيها نسبه حراق بتبقي الذ وأطعم
وخلي بالك اوعي تضيفي ولا نقطة مايه
هي هاتنزل العصارة اللي فيها
وهاتستوي مع بعض
وها يبقي عندك صوص رائع جداً جداً
والصور توضح
هنا لما عملت لها صدمه واتغير لونها

[ندعوك للتسجيل في المنتدى أو التعريف بنفسك لمعاينة هذه الصورة]

وهنا كل المكونات مع بعض نتركها تتسبك وتستوي مع بعض وكل حاجه تأخذ من بعضها ف الطعم

[ندعوك للتسجيل في المنتدى أو التعريف بنفسك لمعاينة هذه الصورة]


استوت وطعمها وريحتها خياااال
ومفيش لها ريحة زفارة ودبس الرمان خلي الصوص لذيذ

[ندعوك للتسجيل في المنتدى أو التعريف بنفسك لمعاينة هذه الصورة]


وقدمت الكبدة مع الخبز
والمكرونه للي يحب


[ندعوك للتسجيل في المنتدى أو التعريف بنفسك لمعاينة هذه الصورة]


وهنا عملتها ساندويتش وقليت بطاطس

[ندعوك للتسجيل في المنتدى أو التعريف بنفسك لمعاينة هذه الصورة]